یاریگا–
بارسێلۆنا لە گەڕی حەڤدەی لالیگا لە دەرەوەی یاریگای خۆی رووبەڕووی ئۆساسۆنا دەبێتەوە، یانە کەتەلۆنیەکە بۆ ئەم یارییە حەوت یاریزانی بەهۆی پێکان بەشداری ناکەن.
چاڤی هێرناندێز راهێنەری بلاوگرانا پێش یارییەکە لسیتی یاریزانە بانگهێشتکراوەکانی بۆ یارییەکە بڵاوکردەوە، لە لیستەکەدا هاوشێوەی یارییەکانی رابردوو هەریەکە لە سێرجی رۆبیرتۆ، پێدری، فاتی، برایسوەیت و ئەگوێرۆ کە ماوەیەکە پێکانیان هەیە بانگهێشت نەکراون، لەلایەکی دیکەوە یانەکە دوو یاریزانی دیکەش کە دیپای و ئالبان بەهۆی پێکان لەدەستداوە،
بارسێلۆنا لە کاتێکدا لە گەڕی حەڤدەی لالیگا رووبەڕووی ئۆساسۆنا دەبێتەوە، لە کۆی شازدە یاری رابردوویان 23 خاڵیان بەدەستهێناوە و لە پلەی حەوتەمی ریزبەندی دێت.
