یانەیەکی خولی ئیتاڵی راهێنەرەکەی دوورخستەوە

یاریگا-یانەی ئودێنزی ئیتاڵی رایگەیاند  لوکا گۆتی راهێنەر لە پۆستەکەی دوورخراوەتەوە.

بەگوێرەی سکای سپۆرت، گۆتی و جیۆفی یاریدیدەدەری بانگهێشتی ئۆفیسی جینۆ پۆزۆی بەڕێوبەری گشتی کراون و لەوێ بە گۆتی گوتراوە تۆ چیتر راهێنەری یانەکە نیت و جیۆفی بەشێوەیەکی کاتی شوێنەکەی تۆ پڕدەکاتەوە.

گۆتی پێشتر خۆی یاریدەدەربوو تاوەکو ئودێنزی لە ٢٠١٩ بۆ یەکەمجار کرایە راهێنەری یەکەمی  یانەیەکی پلەیەک.

ئودێنزی لەم وەرزەدا چوار بردنەوە،  حەوت بەرامبەربوون و شەش دۆڕانی هەبوو لە نێوان خولی پلە یەک و جامی ئیتاڵیادا.