هەواڵێکی دڵخۆشکەر بۆ هاندەرانی بارسێلۆنا

یاریگا-
یانەی بارسێلۆنای ئیسپانیا چوار شەممەی ئەم هەفتەیە لە یارییەکی چارەنوساز لە دوایین گەڕی قۆناخی کۆمەڵەکانی چامپیۆنزلیگ دەبێتە میوانی بایرن میونشنی ئەڵمانیا.

رۆژنامەی سپۆرتی کەتەلۆنی بڵاویکردەوە، ئانسۆ فاتی هێرشبەرە لاوەکەی بلاوگرانا پێش یاری یانەکەی بەرامبەر ریال بێتیس بە تەنیا راهێنانی کردووە و، ئەو یاریزانە لە هەوڵی ئەوەدایە بۆ یارییەکەی بەرامبەر باڤارییەکان ئامادەبێت.

سەرچاوەکە بڵاویشی کردەوە هەرچەندە پێشتر بریاردراوە ئەو یاریزانە پەلە نەکات و بەشداری یارییەکەی بەرامبەر بایرن نەکات، بەڵام پێش یارییەکە هەڵسەنگاندن بۆ پێکانەکەی دەکرێتەوە.