یاریگا-
یانەی بارسێلۆنای ئیسپانی بەشێوەیەكی فەرمی چاڤی هێرناندێزی ئیسپانی و ڕاهێنەری پێشووی یانەی سەدی قەتەڕی وەك ڕاهێنەری نوێی یانەكەیان دەستنیشانكرد.
پێشتر ئیدارەی یانە كەتەلۆنییەكە بەهۆی ئەنجامە خراپەكانیەوە ڕونالد كومانی هۆڵەندی لە پۆستی ڕاهێنەرایەتیكردنی یانەكەی دوورخستەوە.
لە بەیاننامەیەكی فەرمیدا لە هەژماری تایبەتی خۆیان لە تۆڕی كۆمەڵایەتی تویتەر بارسێلۆنا ڕایگەیاند چاڤی هێرناندێز وەك ڕاهێنەری نوێی یانەكەیان دەستبەكار دەبێت.
لە بەیاننامەكەدا یانە كەتەلۆنییەكە ڕایگەیاند گرێبەستەكەی چاڤی تا هاوینی ساڵی 2024 دەبێت.
هەروەها ڕۆژی دووشەممە كۆنگرەیەكی ڕۆژنامەوانی بۆ ساز دەكرێت و بە دەزگاكانی ڕاگەیاندن دەناسرێندرێت.
