یاریگا–
سێرخیۆ رامۆس، بەرگریکاری ئیسپانی یانەی پاریس سانجێرمانی فەرەنسا بەهۆی ئەو پێکانەی تووشی بووە، تاوەکو ئێستا وادەی گەڕانەوەی یەکلایی نەبووەتەوە.
ماڵپەری فەرمی یانەی پاریس سانجێرمانی فەرەنسا بەیاننامەیەکی فەرمی لەسەر پێکانەکەی بەرگریکاری ئیسپانی یانەکەیان بڵاوکردەوە و، لە بەیاننامەکەدا هاتووە ” یاریزانەکەمان تاوەکو ئێستا لە پێکانەکەی چاکنەبووەتەوە و، پێویستی بە راهێنانی زیاتر هەیە، بۆیە ئەو یاریزانە تاوەکو بە تەواوەتی چاکنەبێتەوە، بەشداری هیچ یارییەک ناکات “.
رامۆس هاوینی رابردوو دوای جێهێشتنی ریزەکانی یانەی ریال مەدریدی ئیسپانیا، بێ بەرامبەر پەیوەندی بە پاریس سانجێرمانەوە کرد.
