یاریگا-
ماوریسیۆ پۆچەتینۆی ئەرجەنتینی و ڕاهێنەری یانەی پاریس سان جێرمانی فەڕەنسی هیواخوازە كیلیان ئیمباپێی فەڕەنسی و ئەستێرەی یانەكەیان لە ڕیزەكانی پاریس بەردەوام بێت.
لە گواستنەوەكانی هاوینی ڕابردوودا ئیمباپێ داوای ڕۆشتنی لە ئیدارەی یانەكەیان كردووە و ئامانجی پەیوەندیكردنیەتی بە یانەی ڕیاڵ مەدریدی ئیسپانیەوە.
سەرەڕای ئەوەی گرێبەستی هێرشبەرە فەڕەنسیەكە لە هاوینی 2022 بەسەردەچێت بەڵام ئیدارەی پاریس ئامانجیان مانەوەی ئەستێرەكەیانە.
پۆچەتینۆ لە لێدوانیدا بۆ ڕۆژنامەی لیكیپ ووتی: بیرۆكەی من مانەوەی ئیمباپێیە لەگەڵمانداو ئەو لەسەر خۆیە ، هەروەها پیشەگەرێكی گەورەیە و ڕێز لە گرێبەستەكەی دەگرێت.
هەروەها ووتیشی: ئیمباپێ لاوێكی زیرەكە ، گەنجە بەڵام پێگەیشتووە ، وەك یاریزان زۆر نایابە و پاڵەوانی جیهانە ، ئەو ئێستا و داهاتووە.
