هاری کەین واز ناهێنێت

یاریگا–
لە کاتێکدا چەند رۆژێک لە وادەی گواستنەوەی هاوینەی یاریزانان ماوە، بەڵام تاوەکو ئێستا هاری کەین هێرشبەری ئینگلیزی یانەی تۆتێنهام نەیتوانیوە یانەکەی رازی بکات بۆ ئەوەی دەستبەرداری بن و پەیوەندی بە یانەی مانچێستەر سیتیەوە بکات.

رۆژنامەی سەنی بەریتانی بڵاویکردەوە، گۆڵکارەکەی سپێرز بەم دواییە جارێکی دیکە داوای لە یانەکەی کردووە، بۆ ئەوەی رێگەی پێبدەن پەیوەندی بە ستینزنەوە بکات، بەڵام یانەکەی سوورە لەسەر ئەوەی یاریزانە بهێڵنەوە، ئەمەش یاریزانەکەی بێ هیوا کردووە.

کەین دوای کۆتایی هاتنی پشووەکانی، بریاریدا بایکۆتی راهێنانەکانی یانەکەی بکات، بەڵام دواتر ناچار بوو بەشداری بکات و ئەو یاریزانە تاوەکو ئێستا هەر لە هەوڵی ئەوەدایە یانەکەی جێبێڵێت.