یاریگا-
ئەستێرەیەكی یانەی بارسێلۆنای ئیسپانی دوو مەرج بۆ جێهێشتنی یانەكەی دادەنێت لە گواستنەوەكانی ئەم هاوینەدا.
بارسێلۆنا دەیەوێت لە گواستنەوەكانی هاوینەدا لە چەند یاریزانێك ڕزگاری ببێت كە خاوەنی موچەیەكی بەرزن لە یانەكە.
بەپێی زانیاریەكانی ڕۆژنامەی سپۆرتی ئیسپانی ساموێل ئۆمتیتی دوو مەرج بۆ جێهێشتنی یانەكەی دادەنێت.
مەرجى یەكەم ئەوەیە كە ئامادەیە ڕیزەكانی بلاوگرانا جێبهێڵێت بەڵام بەشێوەی خواستن ، مەرجی دووەمیشی ئەوەیە ئەو یانەیەی كە بۆی دەڕوات دەبێت بەشدار بێت لە خولی یانە پاڵەوانەكانی ئەوروپا.
تا ئێستا یانە كەتەلۆنییەكە هیچ ئۆفەرێكی لەو شێوەیەی بۆ گواستنەوەی بەرگریكارە فەڕەنسیەكە بۆ نەهاتووە.
