یاریگا–
هەموو پێشبینیەکان بۆ ئەوە دەچن کە لە چەند کاتژمێری داهاتوو بەشێوەیەکی فەرمی گواستنەوەی رافایل ڤاران بەرگریکاری فەرەنسی یانەی ریال مەدریدی ئیسپانی ئەو یانەیە جێبێڵێت و پەیوەندی بە یانەی مانچێستەر یونایتدی ئینگلیزیەوە بکات.
کەناڵی GOLـی ئیسپانی زانیاری دەستکەوتووە هەردوو یانەی ریال مەدریدی و مانچێستەر یونایتد لەسەر گواستنەوەی بەرگریکارە فەرەنسیەکە گەیشتونەتە رێکەوتن و ئەو یاریزانە لە ماوەی چەند کاتژمێرێکی داهاتوو بەفەرمی یانەکەی جێدێڵێت و پەیوەندی بە یانە ئینگلیزیەکەوە دەکات، هەربۆیە بەیانی ئەمڕۆ بەشداری مەشق و راهێنانەکانی یانەکەی نەکردووە.
ئەو سەرچاوەیە بڵاویشی کردەوە تێچووی گواستنەوەی ڤاران بۆ ریزەکانی یانەی مان یونایتد لە نێوان 45 بۆ 55 ملیۆن یۆرۆ دەبێت و لەگەڵ یانە نوێیەکەشی مووچەیەکی زیاتر وەردەگرێت.
