بارسێلۆنا گرێبەستی بەرگریكارێكی نوێ كردەوە

یاریگا-

یانەی بارسێلۆنای ئیسپانی بەشێوەیەكی فەرمی گرێبەستی بەرگریكارێكی یانەكەی نوێ كردەوە.

بارسێلۆنا گرێبەستی یاریزانە لاوەكانی یانەكەی نوێ دەكاتەوە بۆ ئەوەی لە داهاتوودا یانەیەكی لاو و بەهرەدار درووست بكەن و پارێزگاری لە یاریزانە لاوەكانی یانەكەی بكات.

بەپێی بەیاننامەی فەرمی یانەكە بارسێلۆنا گرێبەستی ئەلیخاندرۆ بالدی بەرگریكاری یانەكەی تا ساڵی 2024 نوێكردەوە.

بە ئامادەبوونی خوان لاپۆرتا بالدی واژۆی لەسەر نوێكردنەوەی گرێبەستەكەی كرد و لە بەیاننامەكەی بارسێلۆنادا هاتووە كە بڕی هەڵوەشاوەندنەوەی گرێبەستەكەی 500 ملیۆن یۆرۆیە.