یاریگا-
یانەی پاریس سانجێرمانی فەرەنسی بەردەوامە لە گواستنەوەی یاریزانی نوێ و دوای گواستنەوەی هەردوو بەرگریکاری ئیسپانی سێرخیۆ رامۆس و ئەشرەف حەکیمی مەغریبی، ئەمجارەیان لینی مانسیا لە ریزەکانی یانەی گانگۆن گواستەوە.
ماڵپەری فەرمی یانەی پاریس سانجێرمانی فەرەنسا بڵاویکردەوە لەگەڵ بەرگریکارە لاوەکەی یانەی گانجۆنی وڵاتەکەیان گەیشتنە رێکەوتن و ئەو یاریزانە بۆ ماوەی سێ وەرز واتە تاوەکو کۆتایی هاوینی ساڵی 2024 گرێبەستی لەگەڵ واژۆ کراوە و وەرزی نوێ درێسی یانەکەیان لەبەر دەکات.
مانسیا تەمەنی 17 ساڵە و تاوەکو ئێستا یانەی پاریس سانجێرمان یەکلایی نەکردووە بۆ وەرزی داهاتوو لە پێکهاتەی تیپی یەکەمی یانەکەیان دەبێت یاخود لە تیپی لاوان یاری دەکات.
