دی ماریا: جەنگاین لە پێناو میسی
یاریگا-
ئەنخێل دی ماریا ، ئەستێرەی هەڵبژاردەی ئەرجەنتین دڵخۆشی خۆی بە بردنەوەكەیان دەربڕی.
ئەرجەنتین توانی بە ئەنجامی گۆڵێكی بێ وەڵام لە بەڕازیل بباتەوە و نازناوی كۆپا ئەمریكای 2021 بەدەست بهێنێت.
لە دوای 28 ساڵ ئەرجەنتین یەكەم نازناوی كۆپا ئەمریكای بردەوە ، ئەویش دوای بردنەوەیان لە بەڕازیل لە یاریگای ماراكانا.
لە چاوپێكەوتنی دوای یاریەكە دی ماریا ووتی: ئێمە. خەونمان بەوەوە بینی و شەڕمان بۆ ئەم ئامانجە كرد لە پێناو میسی ، زۆر گومانیان لەم تیمە كرد و ڕەخنەیان لێ گرتین ، بەڵام ئێمە بەردەوام بووین لە كاركردن.
هەروەها ووتیشی: هەوڵماندا باشترین پێشكەش بكەین ، سەركەوتوو بووین ئەو نازناوەمان بردەوە كە خەونمان بۆ بینی.
لە كۆتایشدا ووتی: بردنەوە لە بەڕازیل و لە یاریگا و خاكی خۆیان مانای زۆرە بۆ ئێمە ، ئێمە تەنها بۆ یەك ئامانج هاتبووین ئەویش بردنەوەی نازناوەكە بوو.
