یاریگا–
ڤینیسیۆس جونیۆر، یاریزانی هەڵبژاردەی بەڕازیل و یانەی ریال مەدریدی ئیسپانیا دوێنێ پۆستێکی لە تۆڕی کۆمەڵایەتی ئینستاگرام بڵاوکردەوە و ئاشکرای کرد کە بانگهێشتی هەڵبژاردەی ئۆڵمپی وڵاتەکەی کراوە.
رۆژنامەی وەرزشی مارکای ئیسپانی بڵاویکردەوە یاریزانە لاوەکەی شایانەکان دوێنی ئەوەی راگەیاند کە یانەکەی رازی بووە بانگهێشتی هەڵبژاردەی ئۆڵمپی وڵاتەکەی بکرێت، بەڵام ئەمڕۆ لیستی ناوی یاریزانە بانگهێشت کراوەکان بڵاوکرایەوە و بە شێوەیەکی چاوەڕواننەکراو ناوی ئەو یاریزانەی تێدا نەبوو، هۆکارەکەش ئەوە بووە کە یانەکەی بەهیچ شێوەیەک رازی نەبووە ئەو یاریزانە بەشداری ئۆڵمپیک بکات.
سەرچاوەکە ئەوەشی بڵاوکردەوە فێدراسیۆنی تۆپی پێ بەڕازیل زۆر هەوڵیدا لە نێوان ڤینیسیۆس و رۆدریگۆ کارگێری یانەی ریال مەدرید رێگە بە یەکێکیان بدات بەشداری ئۆڵمپیکی تۆکیۆ بکەن، بەڵام دواجار رێگە بە هیچ کامیان نەدرا.
