ئەستێرەیەكی پورتوگال تووشی ڤایرۆسی كۆرۆنا بوو

یاریگا-

هەڵبژاردەی پورتوگال گورزێكی كوشندەی بەركەوت بە لەدەستدانی یەكێك لە ئەستێرەكانی بۆ یۆرۆی 2020.

هەژماری فەڕمی هەڵبژاردەی پورتوگال لە تۆڕی كۆمەڵایەتی تویتەر ڕایگەیاند جواو كانسیلۆ بەرگریكاری هەڵبژاردەی پورتوگال تووشی ڤایرۆسی كۆرۆنا بووە و بەهۆیەوە ناتوانێت بەشداری یاریەكانی جامی نەتەوەكانی ئەوروپا بكات.

هەروەها لە بەیاننامەكەی هەڵبژاردەی پورتوگال هاتووە كە دیگۆ دالۆت كە بە خواستن یاری بۆ ئەی سی میلان دەكات لە جێگای كانسیلۆ بانگهێشتی هەڵبژاردەی پورتوگال كراوە.

شایەنی باسە هەڵبژاردەی پورتوگال لە كۆمەڵەی شەشەم دێت شانبەشانی هەریەك لە هەڵبژاردەكانی فەڕەنسا و ئەڵمانیا و هەنگاریا.