ئێستا؛ لامین یامال گەڕایەوە

یاریگا –

لامین یامال قۆناخی چاکبوونەوەی خێراتر دەکات و ئێستا لە هۆڵی وەرزشی و یاریگادا کار دەکات.

لامین یامال پرۆسەی چاکبوونەوەی لە سەنتەری وەرزشی خوان گامپەر دەستپێکردووە. یاریزانە لاوەکە ئێستا لە هۆڵی وەرزشیدا راهێنان دەکات و مەشقە تاکەکەسییەکانی لەنێو یاریگادا دەکات. راهێنانەکان لەلایەن تیمی چاکبوونەوەی یانەی بارسێلۆنا سەرپەرشتی دەکرێن، بەو ئامانجەی کە بۆ مۆندیالی ویلایەتە یەکگرتووەکانی ئەمریکا لە مانگی حوزەیراندا ئامادەبێت.

یامال لە 22ـی نیساندا تووشی پچڕانی بەشێکی ماسوولکەی رانی چەپی بوو و چاوەڕێ دەکرێت بۆ ماوەی 6 تاوەکوو 8 هەفتە لە یاریگاکان دوور بکەوێتەوە، دوای ئەوەی چارەسەری سرووشتی هەڵبژارد.

پلانی ئیسپانیا بۆ گەڕانەوەی

لامین لەم وەرزەدا جارێکی دیکە بۆ بارسێلۆنا یاری ناکاتەوە، بەڵام چاکبوونەوە پێشبینیکراوەکەی کە شەش هەفتە دەخایەنێت، ئومێد دەداتە هەڵبژاردەی نیشتمانی. لویس دێ لا فوێنتێ، راهێنەری ئیسپانیا پلانەکەی روون کردەوە و گوتی:

ئەمانە یاریزانی زۆر گرنگن بەهۆی ئەو شتانەی کە دەتوانن لەو یارییانەدا پێشکەشی بکەن. یاریکردن لە قۆناخی کۆمەڵەکان وەکوو قۆناخە یەکلاکەرەوەکان نییە. ئێمە هەڵسەنگاندن بۆ هەموو کەیسێک دەکەین، چونکە ئامانجمان گەیشتنە بە یاریی کۆتایی لە 19ـی تەممووزدا.

هەروەها دێ لا فوێنتێ نموونەیەکی بە دانی ئۆلمۆ لە یۆرۆی 2024 هێنایەوە و گوتی:

دانی بە نزیکەیی بە پێکانەوە گەیشتە پاڵەوانییەتییەکە. ئێمە نزیک بووین لەوەی بەشداریی پێنەکەین، بەڵام لە کۆتاییدا بووە یاریزانێکی یەکلاکەرەوە. ئۆلمۆ گۆڵکاری پاڵەوانییەتییەکە بوو، ئەو گۆڵەی بۆ میکێل مێرینۆ دروستکرد، لە گۆڵێک بەرامبەر ئەڵمانیا رزگاری کردین. دەکرا بەهۆی کێشەیەک لە پوزیداب گەڕێتەوە ماڵەوە، بەڵام بڕیارماندا بیهێڵینەوە و کارەکەش سەرکەوتوو بوو.

ئێستا ئیسپانیا لەگەڵ لامین یامال لە پاڵەوانییەتیی داهاتوودا ئومێدی بە دەرئەنجامێکی هاوشێوە هەیە.