یاریگا –
دوای زیادبوونی رەخنەکانی هاندەران یانەی ریال مەدرید هەوڵ دەدات دۆخی دەوری ئەستێرە گەورەکەی هێور بکاتەوە.
بەهۆی ئەوەی لە کاتی پێکانەکەیدا چووەتە پشوو، ئێمباپێ رووبەڕووی رەخنەیەکی توند بووەتەوە، ئەمەش هاندەرانی تووڕە کردووە و کاریگەرییەکەی لەنێو ژووری جلگۆڕیندا کەم کردووەتەوە. لە وەڵامی ئەمەدا، یانەکە دەستی بە ناردنی پەیامی ئەرێنی لەسەر کیلیان کردووە.
بەرپرسانی یانەکە پێداگری لەسەر ئەوە دەکەن کە لە رووی پزیشکییەوە، گەشتەکەی بە هیچ شێوەیەک کاریگەری لەسەر پێکانە ماسوولکەییەکەی نەبووە و ئەوان بە تەواوی ئاگاداری بوونە. لەگەڵ ئەوەشدا، دان بەوەدا دەنێن کە ئێمباپێ ساویلکە بووە و دەبێت زیاتر ئاگاداری وێنە گشتییەکەی بێت، تاوەکوو لە بارودۆخی وەکوو ئەمە بەدوور بێت.
لە نێوخۆی یانەکەدا، بێزارییەکیش هەبوو لە گەیشتنی درەنگوەختی بۆ مەدرید تەنیا چەند خولەکێک پێش یارییەکەی بەرامبەر ئیسپانیۆڵ، کە ئەمەش بە دڵی کارگێڕی یانەکە نەبوو.
سەرەڕای هەموو شتێک، ریال مەدرید دەیەوێت پشتگیری ئێمباپێ بکات و تیشک بخاتەسەر ئاستە بەرزەکەی. لە هەمان کاتدا، روونی دەکەنەوە کە ئەو یاریزانە بۆ فرۆشتن نییە و بە هیچ شێوەیەک ناخرێتە بازاڕی گواستنەوە.
https://yariga.net/259878/
