یاریگا–
دوای ئەوەی کارگێری یانەی بارسێلۆنای ئیسپانیا شکستی لە گواستنەوەی ڤیناڵدۆم ناوەڕاستکاری هۆڵەندی هێنا، کارگێری ئەو یانەیە هەوڵ بۆ گواستنەوەی ئیلکای گوندۆگان ناوەڕاستکاری ئەلمانی یانەی مانچێستەر سیتی ئینگلیزی دەدات.
رۆژنامەی سپۆرتی کەتەلۆنی زانیاری دەستکەوتووە هەفتەی رابردوو کارگێری بلاوگرانا پەیوەندیان بە بەرێوەبەری کارەکانی ناوەڕاستکارە ئەڵمانیەکە کردووە بۆ ئەوەی رازی بکەن وەرزی داهاتوو درێسی یانەکەیان لەبەر بکات، بەڵام ئەستەمە ئەم گواستنەوەی سەربگرێت، چونکە کارگێری ستیزن بەهیچ شێوەیەک ئامادەنین دەستبەرداری ئەو یاریزانە بن.
ئەم هەوڵەی بارسا لەکاتێکدا یانەکە نزیکبوو لە گواستنەوەی ڤیناڵدۆی هۆڵەندی و ناوەڕاستکاری پێشووی یانەی لیڤەرپوولی ئینگلیزی، بەڵام ئەو یاریزانە لەناکاو بریارەکەی گۆڕی و دەیەوێت پەیوەندی بە یانەی پاریس سانجێرمانی فەرەنساوە بکات.
