یاریگا–
دەیڤید ئالابا، بەرگریکاری نەمسایی پێشووی یانەی بایرنمیونشنی ئەڵمانیا بەشێوەیەکی فەرمی پەیوەندی بە یانەی ریال مەدریدی ئیسپانیاوە کرد.
ماڵپەری فەەمی یانەی ریال مەدریدی ئیسپانیا بڵاویکردەوە، لەگەڵ بەرگریکاری نەمسایی تەمەن 28 ساڵان گەیشتنە رێکەوتن و ئەو یاریزانە بێ بەرامبەر تاوەکو هاوینی ساڵی 2025 درێسی یانەکەیان لەبەر دەکات. بەڵام تاوەکو ئێستا هیچ ووردەکاریەک لەسەر موچەکەی بڵاونەکراوەتەوە.
فابریزیۆ رۆمانۆ لە تۆڕی هەواڵی سکای سپۆرت ئاشکرای کردووە موچەی مانگانەی ئالابا لەگەڵ ریال مەدرید 12 ملیۆن یۆرۆیە.
