یاریگا–
لیۆنێل میسی، یاریزانی هەڵبژاردەی ئارجێنتینا و یانەی بارسێلۆنای ئیسپانیا وەکو پاڵپشتیەکە بەرامبەر بایکۆتی تۆڕە کۆمەڵایەتیەکان لەلایەن یانەکانی پرێمەرلیگ پەیامێکی بڵاوکردەوە و پاڵپشتی ئەم هەڵمەتە دەکات.
لە دوێنێوە سەرجەم یانەکانی پرێمەرلیگ وەکو ناڕەزایەتیەک بەرامبەر دروشمە رەگەز پەرستیەکان بەرامبەر یاریزانەکانی یانەکانیان، بریاریانداوە بۆ ماوەی سێ رۆژ بایکۆتی تۆرەکان بکەن و بەم بۆنەوە گۆڵکاری مێژووی بارسێلۆناش پەیامێکی لە تۆڕی کۆمەڵایەتی ئینستاگرام بڵاوکردووەتەوە و لە پەیامەکەیدا پاڵپشتی یانەکانی پرێمەرلیگ دەکات و هیواشی خواست چیدی هاندەران دروشمی رەگەز پەرستی بەرامبەر یاریزانەکان بەکار نەهێنن.
میسی لە بەشێکی پەیامەکەیدا دەڵێت ” بەم دواییە بینیم لە تۆڕە کۆمەڵایەتیەکان 200 ملیۆن فانم هەیە، بەڵام زۆر دڵخۆشی نەکردووم، چونکە بەم دواییە کاردانەوەی زۆر خراب بەرامبەر بەشێک لە یاریزانەکان هەبووە ”.
