یاریگا–
زینەدین زیدان، راهێنەری فەڕەنسی یانەی ریال مەدریدی ئیسپانیا لە کۆنگرەی رۆژنامەوانی پێش یاریی یانەکەی بەرامبەر ئاتلێتیکۆ مەدرید دوپاتیکردەوە ئەوان پاڵێوراوی بەدەست هێنانی ناسناوی ئەم وەرزەی خولی ئیسپانیان.
راهێنەرەکەی مێرنگی گووتی ” ئەم یارییە بۆ ئێمە تایبەتە، دێربی مەدرید هەمیشە لە یارییە تایبەتەکان بووە، بۆ ئەم یارییە ئامادەین و هەفتەیەکی بێ کێشەمان بەڕێکردووە، سێ خاڵی گرنگمان لە پێشە و ئەم یارییەش وەکو هەموو یارییەکانی دیکە بۆ ئێمە چارەنوسازە و وەکو یاریی فاینەڵە بۆ ئێمە، بێ ئاوردانەوە کە هەر ئەنجامێکی یارییەکە، ئێمە پاڵێوراوین بۆ بەدەست هێنانی ناسناوەکە “.
ریال مەدرید شەوی داهاتوو کاتژمێر 18:15 بە کاتی هەولێر، لە گەڕی 26ـی لالیگا و لە یاریگای واندامیترۆپۆلیتانۆ دەبێتە میوانی ئاتلێتیکۆ مەدرید.
