كاردانەوەی كریستیانۆ ڕۆناڵدۆ دوای بردنەوەیان لە كرۆتۆنی
یاریگا-
كریستیانۆ ڕۆناڵدۆی پورتوگالی و ئەستێرەی یانەی یوڤێنتوسی ئیتاڵی پەیامێكی بۆ هاوڕێكانی نارد دوای بردنەوەكەیان لە كرۆتۆنی.
یوڤێنتوس توانی بە سێ گۆڵی بێ وەڵام لە كرۆتۆنی بباتەوە ،گۆڵەكانیش لەلایەن كریستیانۆ دوو گۆڵ و ماكینی گۆڵێك ، لە میانەی یاریەكانی هەفتەی 23ی خولی ئیتاڵی.
دوای یاریەكە دۆن لە پەڕەی تایبەتی خۆی لە تۆڕی كۆمەڵایەتی تویتەر لە توویتێكدا نووسیویەتی: ” سەركەوتنێكی گرنگ ، خۆشحاڵم كە هاوكاری یانەكەم كرد ، بەردەوام بن لەسەر ئەو ئاستە كوڕینە ”.
Vittoria importante! Felice di aver dato il mio contributo! Avanti così ragazzi! 🚀 🏳️🏴💪🏽 pic.twitter.com/FC9PCpK7bh
— Cristiano Ronaldo (@Cristiano) February 22, 2021
شایەنی باسە بە تۆماركردنی 18 گۆڵ ئەفسانە پورتوگالیەكە لە ڕیزبەندی یەكەمی گۆڵكارانی سێریا ئەی گرتووە ، بە جیاوازی گۆڵێك لە پێش ڕۆمێرۆ لوكاكۆی هێرشبەری ئینتەر میلانەوە دێت.
