یاریگا–
لیۆنێل میسی، گۆڵکاری ئارجێنتینایی یانەی بارسێلۆنای ئیسپانیا بەشداری راهێنانەکانی بەیانی ئەمڕۆی یانەکەی نەکردووە.
رادیۆی کادێنا سێری ئیسپانی بڵاویکردووە، شاندەکەی بلاوگرانا بەیانی ئەمڕۆ لە شاری کۆردۆبا یەکەیەکی مەشق و راهێنانیان ئەنجامدا و گۆڵکارە مێژووییەکەی ئەو یانەیە بەشداری نەکردووە، بێ ئەوەی هۆکارەکەی ئاشکرا بکرێت، هەرچەندە سەرچاوەکانی نزیک ئەو یانەیەش بڵاویان کردووەتەوە لیۆ پشووی پێدراوە و ئێوارەکەی بەشداری راهێنانەکان دەکات.
بارسێلۆنا ئەمشەو لە یاریی قۆناخی پێش کۆتایی جامی سوپەری ئیسپانیا کە بریارە لە شاری کۆردۆبا بکرێت، رووبەڕووی ریال سۆسیداد دەبێتەوە.
