هیچ پەیوەندییەکی بە تۆپی پێوە نییە؛ رودی فۆلەر نایەوێت ئەڵمانیا وەکوو ئەرجەنتین یاری بکات

یاریگا –

رودی فۆلەر، بەڕێوەبەری وەرزشیی فیدراسیۆنی تۆپی پێی ئەڵمانیا (DFB)، دەڵێت پێویستە ئەڵمانیا لەبری ئەرجەنتین، ئیسپانیا بکاتە مۆدێل بۆ خۆی.

زیاتر لە هەفتەیەک بەسەر یاریی کۆتاییی جامی جیهانیدا تێپەڕیوە، کە تێیدا ئیسپانیا دووەم نازناوی جیهانیی خۆی بەرز کردەوە و جیهانی تۆپی پێی تووشی سەرسوڕمان کرد. پاڵەوانییەتییەکە بەردەوامە لە دروستکردنی کاردانەوەکان. یەکێک لەو تیمانەی کە زۆرترین کاریگەرییان لەسەر بوو ئەڵمانیا بوو، کە زووتر لەوەی چاوەڕێ دەکرا لە پاڵەوانییەتییەکە کرایە دەرەوە. لەو کاتەوە، چەندین گۆڕانکاری لە تۆپی پێی ئەڵمانیادا روویان داوە، لەنێویاندا دەستنیشانکردنی یورگن کڵۆپ وەکوو راهێنەر.

بەراوردکارییەکان هەرگیز ئاسان نین، بەڵام زۆر کەس پێیان وایە ئەگەر ئەڵمانیا بیەوێت جارێکی دیکە کێبڕکێ لەسەر نازناوە گەورەکان بکات، پێویستە سەیری تیمە نیشتمانییەکانی دیکە بکات. لە قسەکانیدا لە رۆژی دووشەممەدا لە کۆنگرەی نێودەوڵەتیی راهێنەران لە مەینز، رودی فۆلەر زۆر بە روونی ئاماژەی بەوە کرد کە پێویستە ئەڵمانیا هەوڵی سەیرکردنی کام تیم نەدات و گوتی:

ئێمە، ئەڵمانیا، پێویستە باشتر بەرگری بکەین. زۆر کەس ئەرجەنتینیان وەکوو نموونەیەک نیشان دەدا و من پێم وابوو ئەوە نموونەیەکی خراپ بوو. لەناکاو، ئەرجەنتین بووە جێگەی سەرنج. من ئەوەم کەمێک بە دووڕوویی بینی. تیمێکم ناوێت کە وەکوو ئەرجەنتین یاری بکات، ئەوە هیچ پەیوەندییەکی بە تۆپی پێوە نییە. بەڵێ، ئەوان پاڵەوانی جیهان بوون و ئەم جارە، پلەی دووەمیان بەدەست هێنا. بەڵام راستگۆبم، من لە ستایشی ئەوەندە زۆرەی خەڵک تێناگەم.

لە کاتی رەخنەگرتن لە شێوازی یاریکردنی ئەرجەنتین، فۆلەر ئاماژەی بەوە کرد کە پێی باشترە ئەڵمانیا لە پاڵەوانی ئێستای جیهان بچێت و گوتی:

ئیسپانیا شایستەی هەموو ستایشێک بوو. نەوەکوو تەنیا بەهۆی شێوازی هێشتنەوەی تۆپ و هێرشکردنیان، بەڵکوو بەهۆی شێوازی بەرگریکردنیشیان. ئەوان نموونەکەن، هاوكات ئینگلتەراشم زۆر بەدڵ بوو.