تەواو؛ وێستهام بۆ دەستبەرداربوون لە ئەستێرەکەی بە ئۆفەری سعوودیەکان رازی بوو

یاریگا –

وێستهام یونایتد رۆشنایی سەوزی بۆ ئۆفەری سعوودیەکان هەڵکرد بۆ دەستبەرداربوون لە ئەستێرەیەکی یانەکەی.

سعوودیەکان شانبەشانی رۆمای ئیتاڵی لە کێبڕکێدابوون بۆ گواستنەوەی کریسێنسیۆ سەمەرڤیڵ، لە کۆتاییدا لە بەرژوەندی ئەوەی یەکەمیان کۆتایی هات لەکاتێکدا رۆما بڕی 46 ملیۆن یۆرۆی پێشکەشکردبوو بۆ گەیشتن بە تواناکانی ئەستێرە هۆڵەندیەکە. بەڵام سعوودیەکان ئۆفەرەکەیان زیاترکرد.

بەگوێرەی زانیارییەکانی داڤید ئۆرنشتاین، هامەرز کە وەرزی رابردوو دابەزینە چامپیۆنشیپ، بە ئۆفەرەکەی هیلال رازی بووە کە ئەو یانە سعوودیە بڕی ئۆفەرەکەی بۆ یاریزانە 24 ساڵیەکە گەیاندە ملیۆن یۆرۆی جێگیر لەگەڵ 5 ملیۆنی دیکەی گۆڕانکارییەکان. لە کۆتاییشدا کۆی پاکێجەکە بۆ گرێبەستەکەی ئەو یاریزانەی باڵ دەگاتە 70 ملیۆن یۆرۆ.

🚨 Offer accepted by West Ham United for Crysencio Summerville £55m guaranteed + £5m potential bonuses – total package worth just over €70m as #AlHilal try to finalise signing of 24yo #Netherlands international winger – not fully done yethttps://t.co/Hr429OPfhF@TheAthleticFC https://t.co/QumbUx8Rcc

— David Ornstein (@David_Ornstein) July 21, 2026

لە یارییەکانی مۆندیالی 2026 ئەگەرچی هۆڵەندا لە ئاستی چاوەڕوانیەکاندا نەبوو، بەڵام سەمەرڤیل توانی ئاستی خۆی پیشانبدات کە لە 6 یارییدا 2 گۆڵ و 2 ئەسێستی کرد.

گەیشتنی بەهای سەمەرڤیل بە 70 ملیۆن یۆرۆ، دوای دوو ساڵ دێت لە پەیوەندیکردنی یاریزانەکە لە لیدز یونایتدەوە بە وێستهام بە برێ 25 ملیۆن پاوەند.

ناوبراو وەرزی رابردوو لەگەڵ یانە لەندەنیەکە لە 31 یاریی پرێمەرلیگدا 5 گۆڵ و 2 ئەسێستی کرد.