پێنج ئاماری دەگمەن؛ ئیسپانیا دەستكەوتێكی مێژوویی مۆندیال دووبارە دەكاتەوە

یاریگا –

هەڵبژاردەی ئیسپانیا دوای بردنەوەی یاریی كۆتایی مۆندیالی 2026 لە هەڵبژاردەی ئەرجەنتین چەندین دەستكەوتی بەدەستهێنا.

شەوی رابردوو هەڵبژاردەی ئیسپانیا لە یاریی كۆتایی مۆندیالی 2026 بە تاكە گۆڵێكی فێران تۆرێس لە خولەكی 106 لە هەڵبژاردەی ئەرجەنتینی بردەوە و بۆ جاری دووەم لە مێژوویدا بووە پاڵەوانی جیهان.

ئیسپانیا دووەم نازناوی لە مێژوودا بردەوە دوای ئەوەی ساڵی 2010 نازناوەكەی بەدەستهێنا، بەوەش بوو بە یەكەم هەڵبژاردە لە سەدەی 21 دووجار نازناوی مۆندیالی بەدەستهێنابێت.

هەروەها گەیشتە 38 یاریی بە بێ دۆڕان لە سەرجەم پاڵەوانیەتیەكاندا ئەوەش درێژترین زنجیرەی بێ شكستی هەڵبژاردەیەكی ئەوروپی و ئەمریكیە بە درێژایی مێژوو.

ئیسپانیا بووە چوارەم هەڵبژاردە کە جامی جیهانی بباتەوە بەبێ ئەوەی لە هیچ کام لە یارییەکانی پاڵەوانێتییەکەدا لە ئەنجامدا دواکەوتبێت، دوای ئیتالیا لە ساڵی 1938، ئیتالیا لە ساڵی 1982 و ئەڵمانیا لە ساڵی 1990.

لە تەمەنی 19 ساڵ و 6 رۆژیدا، لامین یامال بووە سێیەم گەنجترین یاریزان کە بەشداری بکات و جامی جیهانی بباتەوە، دوای پێلێ لە ساڵی 1958 (17 ساڵ و 249 رۆژ) و جیۆسێپی بێرگۆمی لە ساڵی 1982 (18 ساڵ و 174 رۆژ).

فێران تۆرێس لە کۆی 65 یاریی نێودەوڵەتیدا 25 گۆڵی كردووە، ئامارەکانیش ئاماژە بەوە دەکەن کە هەڵبژاردەی ئیسپانیا سەرجەم ئەو یارییانەی بردووەتەوە کە هێرشبەرەکەی بارسێلۆنا تێیدا گۆڵی كردووە، کە دوایینیان یاریی کۆتایی جامی جیهانی بوو.

38 – Spain are now unbeaten in their last 38 matches in all competitions, the longest ever run by any European or South American team in history.

Premier. pic.twitter.com/39qqwS6G0d

— OptaJoe (@OptaJoe) July 19, 2026