تەواو؛ عیسا دیۆپ پەیوەندی بە یانەیەکی تازە سەرکەوتووی پرێمەرلیگەوە دەکات

یاریگا –

دوای مۆندیالێکی نایابی 2026، کە تێیدا خۆی وەکوو سەرکردەی دڵی بەرگریی مەغریب نیشاندا، عیسا دیۆپی 29 ساڵ لە لێواری جێهێشتنی فولهام دایە.

بەگوێرەی فووت مێرکاتۆ، فولهام و ئیپسویچ تاونی تازە سەرکەوتوو بۆ پرێمەرلیگ، گەیشتوونەتە رێککەوتن بۆ گواستنەوەی. دڵی بەرگریی پێشووی تولوز، هەروەها لەسەر مەرجە کەسییەکان لەگەڵ یانەی پۆرتمان رۆد رێککەوتووە بۆ گرێبەستێکی چوار ساڵە و چاوەڕوان دەکرێت لە رۆژانی داهاتوودا پشکنینە پزیشکییەکانی ئەنجام بدات.

دیۆپ لە ئابی 2022 پەیوەندی بە فولهامەوە کرد و لە ماوەی چوار وەرزەکەیدا لە کرێڤن کۆتیج 96 یاریی کرد. ئەو بەرگریکارە 1.94 مەترییە، کە 173 یاریی پرێمەرلیگی لەگەڵ وێستهام یونایتد و فولهام کردووە، لە وەرزی رابردوودا بەشداریی لە 13 یاریی خولەکەدا کرد.

بەهۆی ئەم گواستنەوەیەوە، فولهام بڕی نزیکەی 10 ملیۆن یۆرۆ وەردەگرێت، سەرەڕای ئەوەی تەنیا یەک ساڵ لە گرێبەستەکەی دیۆپ مابووەوە.

🚨EXCL: 🔵⚪️🇲🇦 #PL |

🔐 Fulham and Ipswich Town have reached an agreement for Moroccan centre-back Issa Diop.

✍️ Issa Diop is set to sign a four-year contract with Ipswich.

🩺 Medical tests booked today for the Moroccan

W @DahbiaHattabi https://t.co/OfZHXsshvQ pic.twitter.com/NQlHBerx81

— Santi Aouna (@Santi_J_FM) July 20, 2026