دوایین زانیاریی لەسەر خۆ کاندیدکردنەوەی ئینفانتینۆ بۆ سەرۆکایەتی فیفا

یاریگا –

دەنگوباسی هەڵبژاردەکانی سەرۆکایەتی یەکێتی تۆپی پێی جیها تادێت گەرمتر دەبێت و ناوی چەند بەربژێرێک دەنگۆی زۆری لەسەرە.

بڕیارە مانگی مارس/ئازاری 2027 هەڵبژاردەکان بۆ پۆستی سەرۆکایەتی فیفا لە مەغریب بەڕێوەبچێت. لەکاتێکدا تەنها 8 مانگ ماوەتەوە بۆ ئەو بۆنەیە، رێکخراوەکە و سەرۆکەکە کە جیانی ئینفانتینۆ ئیتاڵیە، کەوتوونەتەبەر لێشاوی رەخنەی توند و تۆمەتی بازرگانیکردن، لایەنداری و تێکەڵکردنی وەرزشەکە بە بڕیارە سیاسیەکان.

ئینفانتینۆ ماوەی 10 ساڵە لەو پۆستەدایە و چاوەڕواندەکرێت جارێکی دیکە خۆی بۆ پۆستەکە بپاڵێوێتەوە.

بەگوێرەی زانیارییەکانی RMCsport، جیانی بۆ هەڵبژاردنەکە دەچێتە کێبڕکێی پارێزگاریکردن لە پۆستەکەی.

لە چەند رۆژی رابردوودا یوێفا وەک لایەنێکی جیددی رەخنەگرتن دەرکەوتن و هاوکات ناوی چەند بەربژێرێکی بەهێزیش هاتە میدیاکانەوە.

مۆندیال متمانە لەدەستدەدات؛ یوێفا رەخنەی تووند لە بڕیاری لابردنی کارتە سوورەکەی باڵۆگەن دەگرێت

یەکێک لە دیارترین ناوەکان، ناسڕ خلێفی سەرۆکی پاریس سانجێرمانە کە لەلایەن یەکێتی تۆپی پێی ئەوروپا “یوێفا” پشتگیری لێدەکرێت.

سەرچاوەکە زانیویەتی کە سەرەرای ئەوەی یوێفا لە هەڵسەنگاندنی دۆزینەوەی بەهێزترین رکابەردایە بۆ بردنەوەی پۆستەکە لە ئینفانتینۆ، بەڵام پێناچێت خلێفی بێت.

🚨🚨| NEW: Gianni Infantino will defend his FIFA presidency at the 𝐅𝐈𝐅𝐀 𝐄𝐋𝐄𝐂𝐓𝐈𝐎𝐍 election in Rabat, Morocco in March 2027. 🗳️🌍

UEFA are searching for a rival candidate — but Nasser Al-Khelaïfi is not expected to be their man.

{@RMCsport} pic.twitter.com/ielHTs3gJa

— Goals Side (@goalsside) July 16, 2026