فەرمی؛ راهێنەری هەڵبژاردەیەکی ناودار دەستی لەکار کێشایەوە
یاریگا –
کرواتیا رۆیشتنی راهێنەری ناوداری خۆی، زلاتکۆ دالیچ رادەگەیەنێت.
ئەم هاوینە، تەنیا تیمی نیشتمانیی فەڕەنسا نییە کە بە رۆیشتنی دیدیێ دیشام بەشێکی گەورە لە مێژووی خۆی دادەخات. رکابەری فەڕەنسا لە یاریی کۆتایی مۆندیالی 2018، زلاتکۆ دالیچی راهێنەری سەرەکیی کرواتیاش بڕیاری داوە لە پۆستەکەی بکشێتەوە دوای کرانەدەرەوەی وڵاتەکەی لە قۆناخی 32ـی مۆندیالی 2026 لەسەر دەستی پۆرتوگال.
دالیچ کە لە ساڵی 2017 وەکوو راهێنەری کرواتیا دیاری کرا، دەستکەوتێکی سەرنجڕاکێشی بەدەست هێنا بە گەیاندنی ئەم نەتەوەیە بە یاریی کۆتایی مۆندیالی 2018، پلەی سێیەم لە مۆندیالی 2022 و یاریی کۆتایی نەیشنزلیگ لە ساڵی 2023.
فیدراسیۆنی تۆپی پێی کرواتیا لە بەیاننامەیەکدا رایگەیاند:
دەستپێکێکی سادە. گەشتێکی لەبیرنەکراو. ماڵاوایییەکی پڕ لە شانازی. دوای نزیکەی 9 ساڵ، زلاتکۆ دالیچی راهێنەری سەرەکی بڕیاریدا کۆتایی بەم بەشە ئێجگار سەرکەوتووەی لەگەڵ کرواتیادا بهێنێت. بەڕێز راهێنەر، سوپاس بۆ هەموو شتێک: سەرکەوتنەکان، دەستکەوتەکان، گەیشتن بە پاڵەوانییەتییەکان، مەدالیاکان، یەکگرتوویی، رێزگرتن و پابەندبوونی نەبەزینت بۆ جەنگان لەپێناو کرواتیادا، چ لە ناوەوە و چ لە دەرەوەی یاریگادا. ئەنجامەکان گوزارشت لە کوالێتیی تۆ دەکەن وەکوو راهێنەرێک. ئەو رێزەی کە لەلایەن یاریزانەکانت، ستافەکەت و رکابەرەکانتەوە بەدەستت هێناوە، هەموو شتێک سەبارەت بەو کەسایەتییە دەڵێت کە تۆ هەتە.
A humble arrival. An unforgettable journey. A proud farewell.
Following nearly nine years, head coach Zlatko Dalić has decided to close his incredibly successful chapter with #Croatia. 🥈🥉🥈
Head coach, thank you for everything – the victories, the achievements, the qualifying… pic.twitter.com/LHLzoe0JVj
— HNS (@HNS_CFF) July 8, 2026
