دوایین زانیاریی لەسەر دۆخی جەستەیی نێیمار لە زاری کارلۆ ئانچێلۆتی

یاریگا –

ئەمشەو کاتژمێر 23:00 بە کاتی هەرێمی کوردستان بەڕازیل لە قۆناخی 16ی مۆندیالی 2026 رووبەڕووی نەرویج دەبێتەوە.

بەڕازیلە لە قۆناخی 32 توانی بەربەستی ژاپۆن ببڕێت کە پێش دەستپێکردنی مۆندیالەکە ئەو هەڵبژاردە ئاسیاییە بە ئەسپی رەشی پاڵەوانێتیەکە دادەنرا.

سامبا لەم وەشانەی مۆندیالدا زیاتر پستی بە ئاستی ڤینیسیوس جونیۆر بەستووە بۆ هێڵی پێشەوە، ئەگەرچی نێیمار دا سیلڤای گۆڵکاری مێژوویی هەڵبژاردەکەش لە ریزەکانیاندا هەیە. بەڵام بارودۆخی جەستەیی ئەو یاریزانە بەهۆی ئەو پێکانانەی دواییەوە لەگەڵ سانتۆس، تا ئێسات نەیتوانیوە باشترینی خۆی پیشانبداتەوە. هەربۆیە لە چوار یاریی رابردوویاندا لە قۆناخی کۆمەڵەکاندا و دواتر لە قۆناخی کرانەدەرەوەش، تەنها کۆتا 14 خولەکی کۆتایی یارییەکەی سکۆتلەندا لەلایەن کارلۆ ئانچێلۆتی بەشداریپێکرا.

پێش یارییەکەی ئەمشەو، لە وەڵامی پرسیاری سەبارەت بە دۆخی جەستەیی و ئەگەری سەرەکیبوونی نێیمار، راهێنەرە ئیتاڵیەکە بەم شێوەیە وەڵامی دایەوە

نێیمار دەتوانێت 90 خولەک یاریی بکات… دەشتوانێت لەگەڵ ڤینیسیوس یاری بکات. پێموایە پێکەوە یاریی دەکەن.

🇧🇷 Neymar for 90 minutes?
Carlo Ancelotti believes Neymar is ready and expects him to line up alongside Vinícius Jr. against Norway. 👀

🇿🇦 Get your World Cup Pass now and watch all FIFA World Cup 2026™ matches on SportyTV YouTube channel here: https://t.co/NAhrEWXxGU pic.twitter.com/WsDCSyXpmj

— SportyTV (@SportyTV) July 5, 2026