سەرۆکی ناپۆلی: تێناگەم بۆ دەبێت لە شارێکی پڕ لە کێشە یاری بکەین!

یاریگا- سەرەڕای ئەوەی وەزیری تەندروستی کەتەلۆنیا و هەروەها یوفاش دڵنیایین دا کەوا بارودۆخەکە سەلامەتە بۆ پێشوازی کردن لە یاریەکەی ناپۆلی لە کامپ نو.

ئاورێلی دی لاورێنتسی سەرۆکی یانە ئیتاڵیەکە دوودڵی و ڕاڕاییەکانی نەڕەویەتەوە لە دۆخی تەندروستی ئەو وڵاتە بەتایبەت کەتەلۆنیا، ناوبراو گوتی: “تێناگەم بۆ دەبێت ناپۆلی بچێتە شارێک کە لە ئێستادا کێشەی گەورەی هەیە. لە ئیسپانیاوە گوێت لە ترسی گەورە دەبێت و کەچی یوفاش پشتگوێێی دەخات. بەردەوام بانگەوازیان ئاراستە دەکەم.”

هەشتی مانگی داهاتوو لە یاریگای کامپ نو بارسێلۆنا میوانداریی ناپۆلی دەکات لە یاری گەڕانەوەی قۆناغی 16ی چامپیۆنزلیگ.