نەرویج متمانەی بە خواردنی ئەمریکی نییە؛ زیاتر لە تەنێک خواردنیان بردووەتە مۆندیال
ڤایکینگەکان متمانەیان بە بەرهەمی بازاڕەکانی ئەمریکا نییە و خواردنی رەسەنی وڵاتەکەیان بردووە
یاریگا –
هەڵبژاردەی نەرویج لە هەنگاوێکی چاوەڕواننەکراو و جیاواز، لە مۆندیال بڕیاری داوە تەواوی سیستەمی خۆراکیی یاریزانەکانی پشتگوێ نەخات و کێشەی خواردنەکانی ئەمریکا بە رێگەی خۆی چارەسەر بکات.
پێگەی Valuetainment بڵاویکردووەتەوە، بۆ یارییەکانی مۆندیالی 2026، شاندی هەڵبژاردەی نەرویج زیاتر لە 1000 کیلۆگرام خواردنی رەسەنی نەرویجییان بارکردووە و لەگەڵ خۆیاندا بردوویانەتە کەمپی مانەوەیان لە ویلایەتە یەکگرتووەکانی ئەمریکا.
NEW: Norway’s national football team shipped over 1,000kg of Norwegian food to the World Cup because they didn’t trust American food. pic.twitter.com/eCOjuwiT5v
— Valuetainment (@valuetainment) June 18, 2026
هۆکاری ئەم بڕیارە سەیرە چییە؟
شاندی هەڵبژاردەکە دوو مەبەستی سەرەکییان لەم کارە هەبووە؛ یەکەمیان، نەبوونی متمانەیە؛ بەرپرسانی هەڵبژاردەکە بە راشکاوی رایانگەیاندووە کە متمانەیان بەو جۆرە خواردن و بەرهەمانە نییە کە لە بازاڕەکانی ئەمریکادا بەردەستن.
دووەمیان، پاراستنی سیستەمی خۆراکی؛ پزیشکان و کارگێڕیی نەرویج دەیانەوێت یاریزانەکان بە درێژایی رۆژەکانی پاڵەوانێتییەکە، تەنیا ئەو ژەمە ئاشنایانە بخۆن کە لەسەری راهاتوون، ئامانج لێی ئەوەیە هیچ گۆڕانکارییەک لە ریتم و رۆتینی خۆراکییاندا دروست نەبێت.
بەم هەنگاوەش، نەرویج دەیەوێت دڵنیابێتەوە لەوەی ئەستێرەکانی لە رووی جەستەیی و تەندرووستییەوە لە لووتکەی ئامادەییدا دەبن و بڕیاریان داوە چارەنووسی گەدەی یاریزانەکانیان نەخەنە دەست چێشتخانە و خواردنەکانی جیاوازەکانی ئەمریکا.
