شۆک، رۆناڵدۆ خراپترین یاریی لە کاروانی وەرزشیدا تۆمارکرد
یاریگا –
کریستیانۆ و هاوتیمەکانی لە پۆرتوگال هاندەرانی هەڵبژاردەی وڵاتەکەیان بێهیواکرد کاتێک لە یەکەم یاریی مۆندیالی 2026 بەرامبەر کۆنگۆی دیموکرات 1-1 یەکسانبوون.
ئەمە شەشەمین مۆندیالە ئەفسانە پۆرتوگالیەکە یاریی دەکات و هێشتاش نازناوەکەی نەخستووەتە خەزێنەکەی خۆی و وڵاتەکەی. ئەمشەویش جگە لە کۆی تیمەکە کە لە رووی لێدان بۆ گۆڵ ئامارێکی خراپیان تۆمارکرد، خودی گۆڵکارە مێژووییەکەش خراپترین یاریی کاروانی خۆی ئەنجامدا لەوەتەی درێسی هەڵبژاردەکەی پۆشیوە.
پۆرتوگال ئامارێکی خراپی چارەکە سەدەیەکی پێش ئێستای بە بیری هاندەرانیدا هێنایەوە
بەگوێرەی زانیارییەکانی تۆڕی ئۆپتا بۆ ئامار و ژمارە پێوانەییەکان، دۆن رۆناڵدۆ بەدرێژایی یارییەکە تەنها 25 جار لەگەڵ تۆپ بەرکەوتنی هەبووە.
تۆڕەکە نووسیویەتی ئەوە کەمترین ژمارەی بەرکەوتنی تۆپە بۆ رۆناڵدۆ لە یارییەکی هەڵبژاردەکەیدا 90 خولەک یاریی کردبێت.
25 – Cristiano Ronaldo’s 25 touches today were his fewest in a major tournament game for Portugal when he played the full 90 minutes.
Fringe. pic.twitter.com/wNoBtcU6Xk
— OptaJoe (@OptaJoe) June 17, 2026
کریستیانۆ و هاوڕێکانی لە یاریی دووەمی کۆمەڵەکەیاندا کە کۆمەڵەی 11ی پاڵەوانێتیەکەیە، لە 23ی ئەم مانگە رووبەڕووی ئوزبەکستان دەبنەوە. دوای پێنج رۆژیش بەرامبەر کۆڵۆمبیا یاریی دەکەن.
