یاریگا –
قوە جەوییە ئامانجێکی نەورۆزی فڕاند و بە شێوەیەکی فەرمی بەرگریکارێکی یانەی مینای گواستەوە ریزەکانی.
بە مەبەستی ئامادەکاری بۆ وەرزی نوێی خولی ئەستێرەکانی عێڕاق، قوەجەوییە گرێبەستی لەگەڵ موسلیم موسا فەیاز بەرگریکاری باڵی چەپی یانەی مینا واژۆکرد، یاریزانەکە لەم وەرزەدا ئامانجی یانەی نەورۆز بوو بۆ ئەوەی بیگوازێتەوە ریزەکانی، دواجار موسلیم بە شێوەیەکی فەرمی پەیوەندی بە پاڵەوانی وەرزی رابردووی خولی ئەستێرەکانی عێڕاق کرد.
موسلیم موسا، تەمەنی 21 ساڵە و لە وەرزی رابردوو لەگەڵ یانەی مینا ئاستێکی بەرزی پێشکەش کرد، لە خولی ئەستێرەکانی عێڕاق ریزبەندی 15ـی لەگەڵ یانەکەی بەدەستهێنا.
