پاشەکشەی بەرچاو لە هەڵوێستی ریال مەدرید؛ لە یەکێک لە ئامانجە دیارەکانی گواستنەوە دەکشێتەوە
یاریگا –
دوای رێککەوتنی تەواوەتی لەگەڵ بێرناردۆ سیلڤا، ریال مەدرید لە ئامانجێکی دیکەی دەکشێتەوە کە ماوەیەکی زۆربوو چاوی لە گواستنەوەی بوو.
شەوی رابردوو زۆرێک لە سەرچاوە باوەڕپێکراوەکانی جیهان پەیوەندیکردنی سیلڤایان بە یانە شاهانەکەوە راگەیاند.
بەگوێرەی زانیارییەکانی فابریزۆ رۆمانۆ، ریال مەدرید لەم هاوینە درێژە بە گفتوگۆکانیان نادەن بۆ گرێبەستکردن لەگەڵ رۆدری.
رۆژنامەنووسە ئیتاڵیەکە هەڵوێستی یانە ئیسپانیەکەی بۆ دوو هۆکاری دیار گەڕاندووەتەوە کە یەکێکیان پەیوەندی بە نیازی فلۆرێنتینۆ پێرێزەوە هەیە بەوەی چیدیکە ئەو سەرۆکە گواستنەوەی رۆردی لە پێشینەی پلانەکانیدا نەماوە. ئەوە و هەروەها گواستنەوەی سیلڤای هاوتیمی پێشووی لە مان سیتی، هۆکارێکی دیکەیە.
رۆمانۆ نووسیویەتی کە ئێستا تۆپەکە لە یاریگای رۆدریە بیەوێت گرێبەستی نوێ لەگەڵ مانچێستەر سیتی نوێبکاتەوە یاخود وەک یاریزانی ئازاد لە 2027 یانەکەی جێبهێڵێت.
🚨 Real Madrid are now not expected to advance for Rodri this summer after Bernardo deal.
Not a priority for Florentino Pérez + up to Rodri whether he wants to sign new deal at #MCFC (still on the table) or leave in 2027 on a free. 👀
🎥➕ https://t.co/baFrE4u1fl pic.twitter.com/gLojTeqWHH
— Fabrizio Romano (@FabrizioRomano) June 12, 2026
