کۆریای باشوور ریمۆنتادای بەسەر چیک کرد

یاریگا –

لە جامی جیهانیی 2026 و لەسەر چیمەنی یاریگای ئیستادیۆ ئاکرۆن لە مەکسیک، هەڵبژاردەی کۆریای باشوور توانی بە ئەنجامی 2-1 لە هەڵبژاردەی چیک بباتەوە.

ئەم سەرکەوتنە گرنگە لە چوارچێوەی یارییەکانی کۆمەڵەی یەکەم، هەنگاوێکی گەورەیە بۆ کۆرییەکان بەرەو قۆناخی داهاتوو، بەتایبەت کە لەم ڤێرژنەی مۆندیالدا جیاوازی گۆڵ رۆڵێکی یەکلاییکەرەوە و چارەنووسساز دەبینێت.

سەرەڕای ئەوەی یاریزانانی چیک هەوڵیاندەدا بە هێزی جەستەیی کۆنترۆڵی ناوەڕاست بکەن و لە رێگای تۆپی جێگیرەکان گۆڵ بکەن، ئەوە بوو لە خولەکی 59، کرایچی گۆڵێ یەکەمی چیکی کرد بەڵام کۆریا لە رێی خێرایی باڵەکانی دوو گۆڵی کرد و هێرشە هەڵگەڕاوەکانیان بووە هۆی هەڵوەشاندنەوەی هێڵی بەرگری چیکەکان و بەدەستهێنانی سێ خاڵی زێڕین.