یاریگا –
وەرگرتنی پۆستی راهێنەرایەتی مانچێستەر سیتی بۆ ئینزۆ مارێسکا تا رادەیەکی زۆر یەکلایی بووەتەوە ئەگەرچی هێشتا بەفەرمی رۆشتنی پێپ گواردیۆلا رانەگەیەندراوە.
لە چەند رۆژی رابردوودا میدیاکانی ئینگلتەرا بۆمبێکی گەورەیان تەقاندەوە کە گواردیۆلا سیتی جێدەهێڵێت، ئەوە سەرەڕای ئەوەی راهێنەر ئیسپانیەکە جەخت دەکاتەوە کا ساڵێکی گرێبەستەکەی ماوە.
بەگوێرەی نوێترین زانیاریی کە دەیڤد ئۆرنشتای بڵاویکردووەتەوە، مارێسکا کە پێشتر وەک یاریدەری گواردیۆلا لە سیتی کاری کردووە، لە ئێستاوە ئامادەکاریی پێش وەرزی داهاتوو دەستپێکردووە.
رۆژنامەنووسەکە ئەوەشی زانیوە کە راهێنەرە ئیتاڵیەکە کار لەسەر پلانەکانی گواستنەوەی هاوینە دەکات.
هاوکات لەگەڵ هوگۆ ڤیانای بەڕێوەبەری وەرزشی سیتی بە هەماهەنگی ئامادەکاریی دەکەن بۆ رۆشتنی یەکجارەکی پێپ.
🚨 Enzo Maresca already working on summer transfer activity & pre-season plans ahead of appointment by Manchester City. 46yo collaborating closely with #MCFC sporting director Hugo Viana in preparation for Pep Guardiola’s expected departure @TheAthleticFC https://t.co/cXP6luQhvH
— David Ornstein (@David_Ornstein) May 20, 2026
