دوایین پێشهات؛ گرێبەستی باستۆنی بۆ بارسێلۆنا شکست دەهێنێت؟

یاریگا –

نرخی بەرز کە ئینتەر میلان داوای دەکات، نەبوونی فشاری باستۆنی لە کاتی گفتوگۆکاندا و گومانەکانی خودی فلیک، هۆکاری سستی بەرەوپێشچوونی گواستنەوەی بەرگریکارە ئیتاڵییەکەن.

بارسێلۆنا هەوڵی خۆیدا. بەشی وەرزشیی یانەکە لە قۆناخێکدا پێیان وابوو کە باستۆنی گونجاوترین کەسە بۆ بەهێزکردنی هێڵی بەرگریی تیمەکەی فلیک لە وەرزی داهاتوودا. سەرەڕای هەندێک دوودڵی لە لایەن دەستەی راهێنەرانەوە، دێکۆ بەدوای رێگەی جیاوازدا گەڕا بۆ ئەوەی گرێبەستەکە بە نرخێکی گونجاو بۆ دارایی یانەکە واژۆ بکات.

لەگەڵ ئاستی جیاوازیی سووربوون، چەندین هەوڵدرا، هیچ کامیان نەبوونە رێککەوتنێکی واقعی. بەگوێرەی رۆژنامەی سپۆرت، ئەمڕۆ دۆخەکە بە تەواویی گۆڕاوە. هۆکارێکی زۆر بوونە هۆی ئەوەی بگەینە ئەو دەرەنجامەی کە بارسێلۆنا چیدیکە لەم دەرگای گواستنەوەیەدا کار لەسەر گرێبەستکردن لەگەڵ باستۆنی ناکات.

بەرگریکارە ئیتاڵییەکە ئێستا خراوەتە نێو دۆسیەیەکی لاوەکییەوە. هەندێک سەرچاوەی یانەکە تەنانەت دەڵێن ئەو بە تەواوی ناوی لە لیستەکە سڕاوەتەوە، لە کاتێکدا ئەوانی دیکە تەنیا دەڵێن چیدیکە بەربژێرێکی سەرەکی نییە.

گومانەکانی نێو بارسێلۆنا و کێشەکان لەگەڵ ئینتەر

بازاڕی دڵی بەرگریی ئەزمووندار کە بە پێی چەپ یاریی بکات، پڕ نییە لە بژاردەی نرخ گونجاو. لیستی یاریزانەکان زۆر کورتە و بەشێوەیەکی سروشتی، ئەو ناوانەی بەردەستن، نرخی ئەستێرەی سوپەرستاریان هەیە.

ئەمە دۆخی باستۆنییە. دوای چەندین گفتوگۆی نێوخۆیی، لەگەڵ ئەوەی فلیک هەمیشە هەندێک دوودڵی نیشان دەدا و داوای لە یانەکە دەکرد هەوڵی بژاردەی دیکەی وەکوو نیکۆ شلۆتێربێک بدەن، لە کۆتاییدا رێککەوتن هەبوو کە بەرگریکارە ئیتاڵییەکە باشترین بژاردە بوو بۆ هاوین.

کێشەکانی باستۆنی لە ئیتاڵیا وای لە بارسێلۆنا کرد هەست بکەن، یاریزانەکە هەموو شتێک دەکات بۆ ئەوەی سەرکێشییەکی نوێ لە ئیسپانیا دەست پێ بکات، بە تایبەتی ئەگەر بارسا وێستگەی مەبەست بووایە. پێذەچوو هەموو شتێک بۆ گفتوگۆ لەگەڵ ئینتەر ئامادە بێت، کە ئەوانیش پێویستیان بە هاوکاریی دەبوو بۆ ئاسانکاری لە گواستنەوەکەدا. بەڵام ئەوە هەرگیز رووی نەدا.

باستۆنی دەیویست پەیوەندی بە بارسێلۆناوە بکات و ئینتەریش چەند هەفتەیەکی بە گەڕان لە جێگرەوەیەک بەسەر برد. کێشەکە ئەوەیە ئینتەر دەیانویست بە کەمتر لە 70 ملیۆن یۆرۆ دەستبەرداری نەبن، ئەمەش ژمارەیەکە بارسێلۆنا بۆ ئێستا ناتوانێت دابینی بکات. دێکۆ پێی وایە رێژەی کوالێتی بەرامبەر نرخ لە دۆخی باستۆنی هاوسەنگ نییە.

لەگەڵ ئەوەی ئینتەر رەتی دەکاتەوە داواکارییەکانی کەم بکاتەوە، بارسێلۆنا لەڕووی داراییەوە سنووردارە و باستۆنیش بێدەنگ مایەوە لەبری ئەوەی فشاری زیاتر بکات بۆ کەمکردنەوەی نرخەکە، یانەکە ئێستا بڕیاریداوە هەنگاوێکی دیکە بنێت.

سەرچاوەکان لەنێو بارسێلۆناوە پشتڕاستیان کردووەتەوە کە کردەی گواستنەوەی باستۆنی بە کردەوە کۆتایی هاتووە.

بەگوێرەی راپۆرتەکان فلیک و دیکۆ زۆر دڵخۆشن بە ئاستی جیرارد مارتن، وەکوو دڵێکی بەرگریی کە بە پێی چەپ یاریی دەکات، هەرچەندە یانەکە هێشتا پێی وایە پێویستی بە گرێبەستکردن لەگەڵ یاریزانێکی ئەزمووندارتر هەیە، کە بتوانێت هاوسەنگی زیاتر لە ماوەی وەرزەکەدا دابین بکات.