یاریگا –
یانەی چێڵسی ئینگلیزی بەفەرمی چابی ئاڵۆنسۆی وەكوو راهێنەری نوێی یانەكەی دەستنیشانكرد.
هەژماری فەرمی چێڵسی لە پلاتفۆرمی ئێكس چابی ئاڵۆنسۆی وەكوو راهێنەری نوێی یانەكەی دەستنیشانكرد.
Chelsea Football Club is delighted to announce the appointment of Xabi Alonso as Manager of the Men’s Team.
The Spaniard will begin his role on July 1, 2026, having agreed a four-year contract at Stamford Bridge.
Welcome to Chelsea, Xabi!
— Chelsea FC (@ChelseaFC) May 17, 2026
هەژماری فەرمی چێڵسی لە پلاتفۆرمی ئێكس لە بەیاننامەیەكی فەرمیدا رایگەیاند؛
چێڵسی بەخۆشحاڵییەوە دامەزراندنی چابی ئاڵۆنسۆ وەکوو راهێنەری تیپی پیاوان رادەگەیەنێت.
راهێنەرە ئیسپانییەكە لە یەكی تەمموز وەكوو راهێنەری نوێی چێڵسی دەستبەكاردەبێت و گرێبەستێكی بۆ ماوەی چوار ساڵ لەگەڵ یانەكە واژۆ كردووە.
ئاڵۆنسۆ، یەکێکە لە کەسایەتییە رێزلێگیراوەکانی جیهانی تۆپی پێی هاوچەرخ، بە ئەزموونێکی دەوڵەمەندەوە لە ئاستی باڵای خولە ئەوروپییەکان دەگاتە چێڵسی، پاش ئەوەی پێشتر راهێنەرایەتی ریال مەدرید و بایەر لیڤەرکوزنی کردووە و لەگەڵ یانە ئەڵمانییەکە توانی یەکەم نازناوی خولی ناوخۆیی لە مێژوویاندا بەدەستبهێنێت.
لە دوای وەرگرتنی پۆستی راهێنەرایەتی چێڵسی، ئاڵۆنسۆ گوتی؛
چێڵسی یەکێکە لە گەورەترین یانەکانی جیهان و شانازییەکی گەورەیە بۆ من کە راهێنەرایەتی ئەم یانە مەزنە بكەم.
لە گفتوگۆکانم لەگەڵ گرووپی خاوەندارێتی و بەڕێوەبەری وەرزشی، ئاشکرایە کە هەمان ویست و خولیامان هەیە، دەمانەوێت تیپێک بنیات بنێین کە توانای هەبێت بەردەوام لە بەرزترین ئاستدا رکابەری بکات و بۆ بەدەستهێنانی نازناوەکان بجەنگێت.
ئەم پێکهاتەیە خاوەنی بەهرەیەکی ناوازەیە و توانایەکی بێسنوور لەم یانەیەدا بەدیدەکرێت، بۆیە سەرکردایەتیکردنی ئەم پڕۆژەیە بە رێزلێنانێکی گەورە بۆ خۆم دەزانم، لە ئێستاوە تەواوی سەرنجمان لەسەر کارکردنی جیددی، چەسپاندنی کلتوورێکی دروست و بردنەوەی نازناوەکان دەبێت.
