ئێستا؛ مانچێستەر یونایتد راهێنەری وەرزی نوێ یەکلایی دەکاتەوە
متمانەی تەواویان بە کارک هەیە..
یاریگا –
مانچێستەر یونایتد گرێبەستی مایکڵ کاریک، راهێنەری یانەکەی دەکاتە هەمیشەیی.
تۆڕی سکای سپۆرتس بڵاویکردووەتەوە، مانچێستەر یونایتد گفتوگۆکانی لەگەڵ مایکڵ کاریک دەستپێدەکات و دەیەوێت وەرزی داهاتوو لە راهێنەرایەتی یانەکە بەردەوام بێت.
بەگوێرەی زانیارییەکانی سکای، پێش یارییەکەی نێوان مانچێستەر یونایتد و بڕایتن کە ئەو یارییە کۆتا یاریی ئەم وەرزەیە و لە 24ـی ئایار بەڕێوەدەچێت، گفتوگۆی فەرمی نێوان کارگێڕی مان یونایتد و کاریک لەسەر درێکردنەوەی گرێبەستەکەی دەستپێدەکات.
BREAKING: Manchester United are ready to open talks with Michael Carrick over continuing as head coach beyond the end of the season. pic.twitter.com/OGZsSlqP2x
— Sky Sports Premier League (@SkySportsPL) May 13, 2026
هەمان سەرچاوە ئاماژەی بەوەش کردووە، شەیتانە سوورەکان بیریان لە چەند بەربژێرێکی دیکە کردووەتەوە، بەڵام دەیانەوێت سەرەتا گفتوگۆ لەگەڵ کاریک بکەن و هەوڵی درێژکردنەوەی گرێبەستی ئەو راهێنەرە ئینگلیزە دەدەن.
کاریک لە 13ـی مانگی یەکی 2026 شوێنی روبن ئامۆریمی گرتەوە و بۆ جاری دووەم پۆستی راهێنەرایەتی شەیتانە سوورەکانی پێدرا.
کاریک دوای گەڕانەوەی لە 15 یاریی سەرپەرشتی یانەکەی کردووە و 10 بردنەوەی بەدەستهێناوە، سێ یاریی یەکسانبووە و دوو دۆڕانی هەیە.
مانچێستەر یونایتد ئێستا بە کۆکردنەوەی 65 خاڵ لە 36 یاریی، پلەی سێیەمی ریزبەندی پرێمەرلیگی کردووە و بەفەرمی کورسییەکی وەرزی داهاتووی چامپیۆنزلیگی مسۆگەر کردووە.
