تەواو؛ گۆڵکارە گەورەکە بارسێلۆنا جێدەهێڵێت
ئۆفەرەکەی بارسای قبووڵ نەکردووە..
یاریگا –
رۆبێرت لیڤاندۆڤسکی، هێرشبەری بارسێلۆنا لە کۆتای ئەم وەرزە یانە کاتالوونیەکە جێدەهێڵێت.
تۆماس ڤلۆدارچیک، رۆژنامەنووسی پۆڵەندی بڵاویکردووەتەوە، رۆبێرت لیڤاندۆڤسکی، هێرشبەری پۆڵەندی بڕیاریداوە گرێبەستەکەی لەگەڵ بارسێلۆنا نوێنەکاتەوە و لە کۆتایی ئەم وەرزە بارسا جێدەهێڵێت و یارییەکەی ریال بێتیس کۆتا یاریی ئەو گۆڵکارە دەبێت بە درێسی یانەکە.
خوان لاپۆرتا و هانزی فلیک دەیانەوێت لیڤاندۆڤسکی بمێنێتەوە، بەڵام وەکوو یاریزانێکی یەدەک و رۆڵی لە تیپەکە کەمدەکەنەوە، بەڵام لیڤا بە کورسی یەدەک رازی نییە و ئۆفەرەکەی بارسێلۆنای قبووڵ نەکردووە و بڕیاریداوە یانەکە جێبهێڵێت.
🚨💣 Robert Lewandowski blisko podjęcia decyzji o odejściu z FC Barcelony! W niedzielę prawdopodobnie pożegnalny mecz na Camp Nou przeciwko Realowi Betis.
Mocno rozważanym kierunkiem Arabia Saudyjska – kluby przygotowują ofertę dla Lewandowskiego:
▶️ https://t.co/W3ObR3zE2A pic.twitter.com/PbUaDD6wW8
— Tomasz Włodarczyk (@wlodar85) May 13, 2026
هەمان سەرچاوە ئاماژەی بەوەش کردووە، لە سعوودیە و ئەمریکا ئۆفەری گەورە پێشکەشی لیڤاندۆڤسکی کراوە، چیکاگۆ فایەری ئەمریکی یەکێکە لەو یانانەی زۆر هەوڵی گواستنەوەی دەدات، بەڵام لیڤا سەرنجی لەسەر رۆژهەڵاتی ناوەڕاستە و رەنگە روو لە خولی رۆشن بکات.
لیڤاندۆڤسکی لە هاوینی 2022 بایرن میونشنی جێهێشت و بە 45 ملیۆن یۆرۆ پەیوەندی بە بارسێلۆنا کرد.
هێرشبەرە 37 ساڵانییەکە لە سەرجەم پاڵەوانێتییەکان 190 یاریی بۆ بارسا کردووە، 119 گۆڵی کردووە و 24 گۆڵی دروستکردوو.
لیڤا بە درێسی بارسێلۆنا سێ نازناوی لالیگا، سێ نازناوی جامی سوپەری ئیسپانیا و نازناوێکی جامی شای ئیسپانیای بەدەستهێناوە.
