مانگێک پێش مۆندیال کێشەیەکی گەورە بەرۆکی هەڵبژاردەی عێراق دەگرێت

یاریگا –

تەنیا یەک مانگ ماوە بۆ دەستپێکی جامی جیهانی 2026 و هەڵبژاردەی عێراق رووبەڕووی کێشەیەکی گەورە دەبێتەوە.

غالب زاملی، ئەندامی فیدراسیۆنی تۆپی پێی عێراق ئاشکرایکرد تاوەکوو ئێستا پێنج یاریزانی هەڵبژاردەی عێراق ڤیزای ئەمریکایان پێنەدراوە و مەترسی ئەوەیان لەسەرە نەتوانن بەشداری مۆندیال بکەن.

غالب زاملی لە لێدوانێکی بۆ میدیای عێراقی پشتڕاستکردووەتەوە هەریەکە لە یاریزانان ئیبراهیم بایش، موهەنەد عەلی، زەید تەحسین، حەیدەر عەبدولکەریم و عەلی حەمادی تاوەکوو ئێستا ڤیزەیان وەرنەگرتووە و هۆکارەکەشی نادیارە.

غالب ئاماژەی بەوەش کردووە، فیدراسیۆنی تۆپی پێی عێراق بۆ ئەو پرسە پەیوەندی بە فیفا دەکات و بەدواداچوونی خێرا بۆ چارەسەری کێشەکە دەکات و رێگە نادەن ئەو یاریزانە کاریگەرانە لە مۆندیال بێبەشبن.

عێراق لە مۆندیالی 2026 لە کۆمەڵەی نۆیەم بەرامبەر هەڵبژاردەکانی فەرەنسا، نەرویج و سێنیگال یاریی دەکات و پاش مانگێکی دیکە یەکەم یاریی مۆندیال بەڕێوەدەچێت.

🔹 كشف عضو الاتحاد العراقي لكرة القدم، غالب الزاملي، مساء الثلاثاء، عن أزمة تواجه المنتخب العراقي قبل مشاركته المرتقبة في نهائيات كأس العالم 2026، بعد تعذر حصول عدد من لاعبيه على تأشيرات دخول إلى الولايات المتحدة حتى الآن.

🔹 وقال الزاملي، لوكالة شفق نيوز، إن اللاعبين الذين لم… pic.twitter.com/YD8y8vM9V8

— العربي الجديد (@alaraby_ar) May 13, 2026