یاریگا –
ڤینیسیۆس جونیۆر دوای تەواوبوونی کلاسیکۆ بەشێوەیەکی جیاوازتر دەردەکەوێت و پیرۆزبایی لە بارسێلۆنای پاڵەوانی لالیگا دەکات.
جونیۆر دوای فیکەی کۆتایی ناوبژیوان چووە لای یاریزانانی بارسێلۆنا و پیرۆزبایی بردنەوەی کلاسیکۆ و بەدەستهێنانی لالیگای لێکردن. ڤینیسیۆس چووە لای پێدری، لامین یامال، فێران تۆرێس، رۆناڵد ئاراوخۆ و رافینیای هاونیشتمانیی و پیرۆزبایی لە هەموویان کرد. هەروەها چووە لای هانزی فلیک و بەهۆی کۆچی دوایی باوکی فلیک، سەرەخۆشی لەو راهێنەرە ئەڵمانییە کرد.
🤝🏻 VINICIUS Y TODOS LOS JUGADORES DEL MADRID LE DAN EL PÉSAME A FLICK TRAS EL CLÁSICO
👌🏻 Absoluta deportividad del brasileño, capitán del equipo blanco en El Clásico, y de todos los futbolistas merengues nada más acabar el partido pic.twitter.com/thQVyqFrYJ— Diario AS (@diarioas) May 10, 2026
ڤینی بەو هەڵوێستە کۆتایی بە ناکۆکییەکانی لەگەڵ لامین یامال هێنا کە لە کلاسیکۆی رابردوو گرژی کەوتە نێوانیان و پەیوەندی نێوان ئەستێرەکانی هەردوو یانەکە تێکچوو.
هاوکات لە کاتی یارییەکە بەهۆی بەرگریکردن لە ئالێکساندەر ئارنۆڵد، گرژی لەنێوان ڤینیسیۆس و رافینیا دروست بوو، بەڵام ڤینی دوای یارییەکە چووە لای رافینیا و دڵی هاونیشتمانییەکەی ئاشتکردەوە.
بەشێکی زۆری ئەستێرەکانی ریال مەدرید دوای یارییەکە پیرۆزباییان لە یاریزانانی بارسێلۆنا کرد و سەرخۆشی خۆیان ئاراستەی هانزی فلیک، راهێنەری یانەکەش کرد، ئەو دیمەنانەش ئاوێکی بەو ئاگرەدا کرد کە لە کلاسیکۆی رابردووی لالیگا لە بێرنابیۆ بەریەککەوتنی تووند لە نێوان هەردوو یانە دروست بوو.
