یاریگا –
نیکلاس سولێ، بەرگریکاری ئەڵمانی بەشێوەیەکی فەرمی وازهێنانی لە یاریکردن راگەیاند.
نیکلاس سولێ لە لێدوانێکی لە پۆدکاستی “سپیڵ ماچەر” ئاشکرایکرد لە کۆتایی ئەم وەرزە بە یەکجاری واز لە یاریکرد دەهێنێت و بە یەکجاری ماڵئاوایی لە لاکێشەی سەوز دەکات.
بەرگریکارە 30 ساڵانییەکە روونیکردووەتەوە بەدەست پێکانێکی سەختی ئەژنۆ دەناڵێنێت، ناچارە بە یەکجاری واز لە یاریکردن بهێنێت و بەهۆی ئەو پێکانە کوشندەیە توانای یاریکردنی نەماوە.
Niklas Süle wird seine aktive Fußballkarriere nach dem letzten Spieltag der Saison 2025/26 beenden. Dies gab der 30-Jährige Verteidiger nun im Podcast "Spielmacher" bekannt.
Mehr dazu hier: https://t.co/LI353bTa6q pic.twitter.com/Rwf5EWQxW0
— Borussia Dortmund (@BVB) May 7, 2026
سولێ لە هاوینی 2017 هۆفنهایمی جێهێشت و بە 20 ملیۆن یۆرۆ پە بایرن میونشن کرد، دوای پێنج وەرز و لە هاوینی 2022 بایرن میونشنی جێهێشت و بەخۆڕایی پەیوەندی بە بۆڕووسیا دۆرتموند کرد.
سولێ بە درێسی یانەکان بەشداریی 447 یاریی کردووە، 22 گۆڵی کردووە و 15 گۆڵی دروستکردووە، بە درێسی هەڵبژاردەی ئەڵمانیاش 49 یاریی کردووە و یەک گۆڵی کردووە.
یەک نازناوی چامپیۆنزلیگ، پێنج بۆندزلیگا، یەک سوپەری ئەوروپا، دوو جامی ئەڵمانیا، یەک جامی جیهانی یانەکان، چوار جامی سوپەری ئەڵمانیا و یەک نازناوی جامی کیشوەرەکانی بەدەستهێناوە.
