یاریگا –
لە پێشهاتێکی چاوەڕواننەکراودا، میدیاکانی ئیسپانیا بڵاویانکردەوە کە سبەی، سێشەممە، رۆژێکی یەکلاییکەرەوە دەبێت بۆ داهاتووی کورسیی راهێنەرایەتی یانەی ریال مەدرید.
بەگوێرەی زانیارییەکانی سێرجیۆ ڤێلێنتین، رۆژنامەنووسی ئی ئێس رادیۆ و رادیۆ مارکا، بڕیارە فلۆرێنتینۆ پێرێز، سەرۆکی ریال مەدرید و جۆزێ مۆرینیۆ، راهێنەری پورتوگالی، کۆبوونەوەیەکی راستەوخۆ و تایبەت بکەن.
🚨🚨 Os sigo contando más cosas
La reunión entre Florentino Pérez y José Mourinho ya está acordada:
Será mañana.
Todo continúa para que así sea y vuelva Mourinho al Real Madrid https://t.co/vsYk54DnYo pic.twitter.com/L1ZeFOZFTC
— Sergio Valentín (@Sergivalentin_) May 4, 2026
بەگوێرەی سەرچاوەکە، هەردوولا لەسەر کات و شوێنی کۆبوونەوەکە رێککەوتوون. ئەم دیدارە تەنیا گفتوگۆیەکی ئاسایی نییە، بەڵکوو هەنگاوێکی کردەیییە بۆ گەڕانەوەی مێژوویی سپێشەڵ وەن بۆ بێرنابیۆ. پاش ئەوەی یانەکە لەم وەرزەدا بە قۆناخێکی پڕ لە هەوراز و نشێودا تێپەڕی، پێرێز دەیەوێت کەسایەتییەکی بەهێزی وەکوو مۆرینیۆ بگەڕێنێتەوە تاوەکوو دووبارە گیانی سەرکەوتن بە بەر تیمەکەدا بکاتەوە.
هەموو ئاماژەکان بۆ ئەوە دەچن کە مۆرینیۆ بژاردەی یەکەمی پێرێزە بۆ جێگرتنەوەی ئاربێلوا و ئەم کۆبوونەوەیە دەبێتە کلیلی دیاریکردنی چارەنووسی وەرزی داهاتووی یانە شاهانەکە.
