%100 رازیم؛ ریال مەدرید جووڵەی فەرمی بۆ گواستنەوەی مۆرینیۆ دەستپێکردووە

یاریگا –

جۆزێ مۆرینیۆ، راهێنەری پۆرتوگالی هەنگاوێکی دیکە لە گەڕانەوە بۆ ریال مەدرید نزیکدەبێتەوە.

فلۆریان پلێتنبێرگ، رۆژنامەنووسی تۆڕی سکای ئەڵمانیا بڵاویکردووەتەوە، فلۆرێنتینۆ پێرێز، سەرۆکی ریال مەدرید چەند رۆژێکە لەگەڵ خۆرخێ مێندێش، بریکاری کارەکانی جۆزێ مۆرینیۆ لە گفتووگۆدایە و ریال مەدرید جووڵەی فەرمی بۆ گەڕاندنەوەی مۆرینیۆ دەستپێکردووە.

🚨👑 Jorge Mendes and Florentino Perez have been in direct talks for days over Jose #Mourinho. Personal terms and contract length are not an issue.

Mourinho is 100% ready to return to Real Madrid. If the final decision falls in his favour, then it will be Mourinho. As reported… pic.twitter.com/7mZxximuyj

— Florian Plettenberg (@Plettigoal) April 28, 2026

هەر بەگوێرەی زانیارییەکانی تۆڕی سکای سپۆرتس، مەرجیە کەسییەکان و ماوەی گرێبەستەکە بەهیچ شێوەیەک نابنە بەربەست لەبەردەم گرێبەستەکە و مۆرینیۆ بە هەموو شێوەیەک ریال مەدریدی قبووڵە و ئەگەر بڕیاری کۆتایی بدرێت %100 ئامادەیە بە ئۆفەرەکەی ریال مەدرید رازیبێت.

سکای ئاماژەی بەوەش کردووە، هیچ جووڵەیەک لە کەیسی پەیوەندیکردنی یۆرگن کڵۆپ بە ریال مەدرید بەدی ناکرێت، ئەمەش ئاماژەی روونە بۆ ئەوەی جۆزێ لە ریال مەدرید نزیکبووەتەوە.

گەورەترین رووداوی ساڵ؛ فلۆرێنتینۆ پێرێز راهێنەری داهاتووی ریال مەدرید دەستنیشاندەکات