یاریگا –
ئالڤارۆ ئاربێلوا باسی هۆکاری کێشەکانی ریال مەدرید لە لالیگا دەکات و روونی دەکاتەوە بۆچی بردنەوەی چامپیۆنزلیگ لە بردنەوەی لالیگا ئاسانترە.
ئالڤارۆ ئاربێلوا روونکردنەوەیەکی لەسەر نەبردنی نازناوی لالیگا لەلایەن ریال مەدرید لە ساڵانی رابردوودا و ئاماژەی بەوە کرد کە “ناسەقامگیری لە ئاستدا” کێشە سەرەکییەکەیە. راهێنەرە ئیسپانییەکە لە کاتی قسەکردن لەسەر ئاستی تیمەکە، دانی بەوە دانا کە هێشتا مەدرید بواری زۆر بۆ باشتربوون لە کێبڕکێ ناوخۆییەکاندا ماوە.
ئاربێلوا ئاماژەی بە شێوازێکی سەرەکی لە ئاستی تیمەکە کرد، کە بریتییە لە پێشکەشکردنی ئاستی بەهێز لە یارییە گەورەکاندا، بەڵام بەرامبەر ئەو رکابەرانەی ناوبانگیان کەمترە ئاستێکی کەمتر قایلکەری پێشکەش کردووە. هەروەها یانەکە ئەزموونی چەند رووداوێکی هاوشێوەی یارییەکەی بەرامبەر جیرۆنا کردووە، کە ئەمەش وایکردووە شتەکان بۆ ریال مەدرید وەکوو پێویست نەبن.
ئاربێلوا لە کۆنگرەی رۆژنامەوانی پێش یارییەکەی ئالاڤێس لە روونکردنەوەکەیدا گوتی:
دەکرێت چەند هۆکارێک بدۆزینەوە و خەڵک بە ئاسانی دەتوانن بیان بینن. لەرووی ئاستی خۆمانەوە لەم چەند ساڵەی دوایی خولدا بەدڵنیاییەوە بواری باشتربوونمان هەبووە. لەم مانگانەی رابردوو پێم وایە لە یارییە گەورەکان ئاستێکی باشترمان پێشکەشکردووە لەوەی بەرامبەر ئەو تیمانە پێشکەشمان کردووە کە ناوبانگی کەمتریان هەیە. ئەگەر سەرنج بخەینەسەر ئەم سێ مانگەی دوایی، بواری زۆر بۆ بەرەوپێشچوون هەیە، بەڵام ئەزموونی بارودۆخی هاوشێوەی ئەوەی بەرامبەر جیرۆناشمان کردووە، کە وادەکات هەست بکەیت بۆ ریال مەدرید بردنەوەی چامپیۆنزلیگ لە بردنەوەی نازناوی خول ئاسانترە.
