پێش جەنگی ئالیانز ئارێنا؛ فلۆرێنتینۆ پێرێز پەیامێکی ئاگرین دەنێرێت

یاریگا –

فلۆرێنتینۆ پێرێز، سەرۆکی یانەی ریال مەدرید، لە مەراسیمێکی تایبەت بە ئەندامە دێرینەکانی یانەکە، پەیامێکی ئاگرین و پڕ لە هاندانی ئاراستەی هاندەران کرد، ئەمەش رێک لەو هەفتەیەدا کە تیپەکە خۆی بۆ یارییەکی چارەنووسساز بەرامبەر بایرن میونشن لە یاریگای ئالینز ئارێنا ئامادە دەکات.

لە مەراسیمەکەدا کە لە یاریگای باسکەی یانەکە بەڕێوەچوو، ریال مەدرید خەڵاتی باجی ئاڵتوونی بەخشییە 440 ئەندام کە 50 ساڵە بەردەوام ئەندامن، هەروەها باجی ئاڵتوون و ئەڵماسی بەخشییە 290 ئەندامی دیکە کە 60 ساڵە وەفادارن بە درێسە سپییەکە.

Florentino Pérez: “Vosotros sois la fuerza de este club, gracias por contribuir a la unidad y a la estabilidad institucional del Real Madrid”.

— Real Madrid C.F. (@realmadrid) April 12, 2026

“با قەدری سەختی نازناوەکان بزانین”
لە بەشێکی وتارەکەیدا، پێرێز تیشکی خستە سەر سەردەمی زێڕینی یانەکە لە ژێر سەرپەرشتی ئەودا و رایگەیاند؛

لە 15 ساڵی رابردوودا 58 نازناومان بردووەتەوە، لە نێویاندا شەش چامپیۆنزلیگ، بەڵام دەبێت قەدری شتەکان بە دروستی بزانین و درک بەو سەختییە بکەین کە لە پشت بەدەستهێنانی هەر بردنەوە و هەر نازناوێکەوە هەیە.

پێویستە شانازی بە ریال مەدریدەکەمانەوە بکەین، یانەیەک کە بەردەوام لە لووتکەی هەموو ریزبەندییە جیهانییەکان و ئەو پۆلێنانەدایە کە خاوەنی گەورەترین ناوبانگ و بایەخن.

پەیامی جەنگ تاوەکوو کۆتا چرکە
پێرێز کە وەکوو ئایکۆنێکی مۆدێرنی گەشتیاری شانازییەکی زۆری بە نۆژەنکردنەوەی یاریگای بێرنابێۆوە دەکرد، کۆتایی وتارەکەی تەرخانکرد بۆ ئەقڵیەتی براوەی یانەکە و گوتی؛

لێرە هیچ کەسێک خۆی بەدەستەوە نادات! ئێمە ساڵ لە دوای ساڵ و تاوەکوو کۆتا سات دەجەنگین بۆ ئەوەی نازناوی زیاتر بخەینە سەر گەورەترین مێژووی وەرزشی لە جیهاندا.

ئێمە خەریکین گەورەترین وەرچەرخان لە مێژووی بێرنابێۆدا تەواو دەکەین، بێرنابێۆیەک کە ئاسوودەیی و ئاسایشی زیاتری تێدایە و بە جۆرێک ئامادەکراوە کە هیچ یاری یان بۆنەیەک بەهۆی بارودۆخی کەشوهەواوە تێکنەچێت یان پەکنەکەوێت.