یاریگا –
لامین یامال، ئەستێرەی لاوی یانەی بارسێلۆنای ئیسپانی بە ئاستە بەرزەكەی سەرنجی هەمووانی بۆلای خۆی راكێشاوە.
شەوی رابردوو بارسێلۆنا لە یاریگای خۆیدا میوانداری ئێسپانیۆلی كرد و یارییەكەش بە بردنەوەی خاوەن ماڵ بە ئەنجامی چوار گۆڵ بەرامبەر گۆڵێک كۆتاییهات، لە میانی یارییەكانی گەڕی 31 لالیگای ئیسپانیا.
لەو یارییەدا لامین یامال لە كۆی چوار گۆڵ بەشداری سێ گۆڵی یارییەكەی كرد، گۆڵێكی كرد و دوو گۆڵیشی درووستكرد.
لامین یامال لەم وەرزەی لالیگادا ژمارەی گۆڵەكانی بۆ 15گۆڵ بەرزكردەوە و لە 100 یاریی لالیگادا29 گۆڵی كردووە.
Lamine Yamal devient le 1er joueur à inscrire 29 buts dans les 5 grands championnats avant l’âge de 19 ans depuis Jimmy Greaves en 1959 (46).
Il fait mieux que Raul et Michael Owen au passage (28 buts chacun). #BarcaEspanyol
— Stats Foot (@Statsdufoot) April 11, 2026
لامینی 18 ساڵان بوو بە یەكەم یاریزان لە پێنج خولە بەهێزەكەی ئەوروپا بتوانێت 29 گۆڵ پێش گەیشتنی بە 19 ساڵی بكات، ئەمەش یەكەمجارە لە دوای جیمی گریڤز لە ساڵی 1959 روودەدات.
لاوە زێڕینەكەی بارسێلۆنا توانی پێش هەریەک لە راوول گۆنزالێز و مایكڵ ئۆوین بكەوێت كە پێش 19 ساڵی 28 گۆڵیان لە خولەكانی ئەوروپا كردبوو.
