یاریگا –
بایرن میونشن لە بەیاننامەیەکی فەرمیدا پێکانی ئەستێرەی لاوی یانەکە، لێنارت کارڵی راگەیاند بەبێ ئەوەی ماوەی دوورکەوتنەوەی دیاریی بکات. لە بەیاننامەکەدا یانە باڤارییەکە ئاماژەی بەوە کردووە کە لاوە 18 ساڵییەکە لە ماسوولکەی پشتەوەی رانیدا تووشی پچڕانی شانەیەکی ماسوولکەیی بووە.
ℹ️ Lennart Karl fällt vorerst aus
Der 18-jährige Offensivspieler hat sich einen Muskelfaserriss im hinteren rechten Oberschenkel zugezogen. Das ergab eine Untersuchung durch die medizinische Abteilung des FC Bayern.
Gute Besserung, Lennart! 🙏 pic.twitter.com/y2fMKldOGG
— FC Bayern München (@FCBayern) April 10, 2026
بایرن میونشن لە هەفتەی 29ـی بۆندسلیگا سبەی 11ـی نیسان، کاتژمێر 19:30 بە کاتی هەولێر رووبەڕووی سان پاولی دەبێتەوە، کاڕڵ بۆ ئەو یارییە لە پێکهاتەی یانەکە دوورخراوەتەوە و چارەنووسی بۆ بەشدارییکردنی لە یاریی گەڕانەوەی قۆناخی چارەکی کۆتایی چامپیۆنزلیگ لە رۆژی چوارشەممە بەرامبەر ریال مەدرید نادیارە.
کاڕڵ ئەم وەرزە یەکێکە لە ناوە دیارەکانی ئەوروپا و ئەم وەرزە لاوەکەی باڤاریا بەشداریی 36 یاریی کردووە، 9 گۆڵی کردووە و 7 گۆڵیشی بۆ هاوتیمەکانی دروست کردووە. هەروەها لە مانگی رابردوو بۆ یەکەمجار بە تەمەنی 18 ساڵ، 1 مانگ و 5 ڕۆژیی، لەلایەن جولیان ناگلیزمانی راهێنەرەوە بانگێشتی هەڵبژاردەی ئەڵمانیا کرا و لە دوو یاریی دۆستانەی بەرامبەر سویسرا و گانا بەشداریی کرد.
