یاریگا –
بێرناردۆ سیلڤا، ئەستێرەی پۆرتوگالی یانەی مانچێستەر سیتی ئینگلیزی لە جێهێشتنی یانەكەی لە كۆتایی وەرزدا نزیكبووەتەوە.
بێرناردۆ سیلڤا لە هاوینی 2017 لە ریزەكانی مۆناكۆ بە بەهای 50 ملیۆن یۆرۆ پەیوەندی بە ریزەكانی مانچێستەر سیتیەوە كرد و گرێبەستەكەی لە هاوینی ئەمساڵدا بەسەردەچێت.
POR DIOS HACELO BERNARDO 😍
Según lo informado por La Gazzetta dello Sport, INTER MIAMI estaría interesado en juntar a BERNARDO SILVA con Leo Messi 🇦🇷 🇵🇹
👉 El luso NO RENOVARÁ su contrato con Manchester City y busca un nuevo horizonte.
¿Te imaginás la MAGIA que podrían… pic.twitter.com/wxntysY3MR
— TNT Sports Argentina (@TNTSportsAR) March 24, 2026
بەگوێرەی زانیارییەكانی لاگازێتا دێلۆ سپۆرتی ئیتاڵی بێرناردۆ سیلڤا لە كۆتایی ئەم وەرزە و لە دوای كۆتاییهاتنی گرێبەستەكەی ریزەكانی مانچێستەر سیتی جێدەهێڵێت.
هەمان سەرچاوە ئاشكرایكردووە، یانەی ئینتەر مەیامی پاڵەوانی خولی ئەمریكی نزیكترین بژاردەیە بۆ گواستنەوەی ئەو ناوەڕاستكارە و پەیوەندی بە یانەكەی لیۆ مێسیەوە دەكات، هەرچەندە لەلایەن یانەكانی بارسێلۆنا، یوڤێنتوس و گاڵاتاسەرای هەوڵی گواستنەوەی دەدرێت.
سیلڤای 31 ساڵان هێشتا یەكێكە لە یاریزانە سەرەكیەكانی پێكهاتەی پێپ گواردیۆلا و بە جۆرێک لەم وەرزەی پرێمەرلیگدا بەشداری لە سەرجەم یارییەكان كردووە، 26 یاریی لە پێكهاتەی سەرەكی و چوار یاریی وەكو یاریزانی یەدەک بەشدارییكردووە.
رۆژی یەكشەممەی رابردوو سیلڤا لەگەڵ مانچێستەر سیتی لە یاریی كۆتایی جامی كاراباو لە ئارسیناڵیان بردەوە و نازناوی ژمارە 17ی خۆی لەگەڵ یانەكەی بەدەستهێنا.
